Кралот Чарлс и оваа година ги додели традиционалните новогодишни кралски почести и одликувања. Брајан Меј, гитаристот на легендарниот бенд Queen, се најде на списокот од околу 1.000 луѓе.
Патем, традиционалните кралски почести и одликувања се доделуваат на два датума секоја година, на Нова година и на роденденот на кралот или кралицата.
Брајан беше прогласен за витез на церемонијата и отсега ќе биде познат како Сер Брајан Меј. Тој беше одговорен за основањето на групата Queen, а наградата ја доби за придонес во музиката и хуманитарната работа.
Меј зборуваше за агенцијата АП и рече дека се надева дека оваа титула ќе му помогне во борбата за правда и за луѓето кои немаат глас и додаде дека можеби сега луѓето ќе слушаат што има да каже повеќе од порано, кога ќе каже Сер Брајан Меј на телефонот.
Во 2002 година, по повод 50-годишнината од владеењето на кралицата Елизабета, Брајан ја отсвири химната „God Save the Queen“ на покривот на Бакингемската палата, а повторно настапи во 2022 година по повод 70-годишнината од владеењето на кралицата.