Непријатност во стомакот, киселини и проблеми со варењето се само дел од последиците од пребрзото јадење
Кога јадеме брзо, освен што храната останува недоволно разложена, голтаме и многу воздух, што може да предизвика гасови и надуеност.
Сепак, пред сè, последица од брзото јадење може да биде големо чувство на непријатност, проблеми со варењето и појава на рефлукс или киселини, симптом при кој доаѓа до своевидно враќање на храната и желудечниот сок од желудникот назад во хранопроводот.
Варењето започнува уште во устата и кога јадеме со пребрзо темпо, храната нема време да се распадне на помали делови и правилно да се свари, па честото брзото јадење може да предизвика нејзино враќање.
Храната мора добро да се изџвака пред да се голтне, а колку пати ќе изџвакаме еден залак зависи од храната што ја јадеме и големината на залакот. Значи, може да биде три, пет, седум, 10 пати.
Повеќе отколку што ни треба
Уште еден проблем со пребрзото јадење што може да предизвика зголемување на телесната тежина е тоа што јадеме повеќе отколку што всушност ни е потребно за да се чувствуваме сити. Кога храната ќе влезе во устата, телото му сигнализира на дигестивниот тракт дека храната е на пат, а кога сме изеле доволно, желудникот му сигнализира на мозокот дека е време да престане да јаде.
Меѓутоа, ако јадете премногу брзо, ќе ги пропуштите тие сигнали, но ако забавите, мозокот ќе има доволно време да ги прими сигналите и ќе престанете да јадете кога ќе сфатите дека сте сити. Истражувањето исто така покажа дека луѓето кои јадат побавно внесуваат помалку калории и се чувствуваат сити подолго време.