Поранешната вработена во Шанел, Шенон Хил, тврди дека таа и нејзините колеги отсекогаш знаеле кога машки клиент е неверен на Божиќ, а еден посебен подарок бил јасен знак.
Таа раскажала како почнала да работи во продавница за луксузна стока кога имала 19 години, па тврди дека во текот на долгогодишната работа научила да ги препознава сите видови клиенти, вклучително и сопрузи кои ги изневеруваат своите сопруги, пишува Mirror.
„Имам мала приказна за вас за тоа што купуваат сопрузите не само за своите сопруги, туку и за своите љубовници“, откри Шенон на TikTok.
Таа сподели дека продавницата во која работи може да ги зачува податоците за сите минати купувања каде што можете да ги најдете производите што ги купуваат жените, а потоа нивните партнери избираат подароци врз основа на таа листа.
Потоа објаснила дека често се случува некои од нив да изберат ист парфем и за сопругата и за својата љубовница, и додала дека причината за тоа е сосема јасна. „Тие не сакаат љубовницата да мириса поинаку за потоа да не можат нивните сопруги да забележат“, рече Хил.
@shannonhillnews It’s tea time ladies! 🫖 #storytime #holidayseason #fyp #cheatinghusbands
Продавачот изјавил и дека тоа е секогаш истиот парфем – Coco Mademoiselle. „Никогаш не е Шанел 5, тие го купуваат за нивните мајки. Никогаш Chance, секогаш е истото“, вели Хил во видеото кое собра илјадници лајкови и тони коментари.
„Колку е слатко кога мажот ѝ купува на сопругата не еден, туку два парфеми“, се пошегува еден корисник. „Порано работев во продавница за накит и се случи истото – тие го купија истиот подарок за своите сопруги и љубовници“, коментира друг. „Така бившиот ми подари подарок наменет за љубовницата. Разбрав затоа што не носам XS големина на џемпер“, додал третиот.