Убавата австралиска актерка Маргот Роби продолжува да ги поставува стандардите во модата, а модните критичари едноставно не можат да ѝ најдат мана.
На уште една премиера на филмот „Babylon“ таа позираше на црвениот тепих во сатенски фустан од Версаче.
Светлосината сатенска тоалета се одликуваше со длабоко деколте и стесната половина, заедно со шлиц до бутовите, обложен со црвена тантела.
Стајлингот го круниса со светло сини сандали на потпетица, а косата слободно ѝ беше пуштена зад грб.
Стајлингот на актерката беше инспириран од изгледот од пистите во 1995 година што го носеше Карла Бруни на ревијата на Версаче.
Сепак, верзијата што ја носеше актерката имаше плисиран материјал на колкот со контрастна црвена чипка.
