Одличен десерт за љубителите на десерти
Состојки:
За кората:
околу 350 гр брашно
1 чаша шеќер
2 лажици какао
1 лажичка сода бикарбона
1 лажичка цимет
300 мл вода
300 мл масло
5 лажици мед
За сирупот:
200 мл вода
80 гр шеќер
За филот:
1,5 л растително млеко
10 лажици шеќер
15 лажици густин
370 гр маргарин
За глазурата:
200 гр посно чоколадо
4 лажици масло
Подготовка:
Кора
Измешајте ги брашното, шеќерот, какаото, сода бикарбоната и циметот. Добро измешајте, па додадете ги водата, маслото и медот. Промешајте да се соединат добро сите состојки. Истурете во тавче обложено со хартија за печење. Печете на 180°C околу половина час. Оставете ја кората да се излади, а во меѓувреме подгответе го сирупот. Водата и шеќерот измешајте ги и кога ќе зоврие оставете да се излади неколку минути и со топлиот сируп прелијте ја изладената кора.
Фил
Во млекото (1 л) додадете го шеќерот и оставете да зоврие, а згуснатата смеса истурете ја во преостанатото млеко и убаво измешајте да не останат грутчиња. Потоа истурете го во провриеното млеко со шеќер. Варете додека не се згусне со постојано мешање. Тргнете од шпорет, покријте со проѕирна фолија и оставете да се излади на собна температура. Маргаринот изматете го на собна температура, па постепено додадете го во изладениот фил и соединете со миксер. Распоредете го преку кората.
Глазура
Чоколадото растопете го со масло, па прелијте го врз филот. Ставете во фрижидер да се стегне. Можете да украсите со какао.
Пријатно!