Речиси и да нема човек кој не се жали на недостаток на слободно време. На многумина им недостасуваат моментите кои би сакале да ги поминат со добра книга, со пријателите на кафе, на тренинг или покрај реката во целосна тишина каде никој нема да им ги вознемирува мислите.
Но, експертите велат дека премногу слободно време нема да направи никого посреќен и дека е доволно да имаме два до пет часа дневно за себе. Повеќе или помалку од тоа го намалува чувството на среќа и го зголемува незадоволството.
Недостатокот на слободно време ги тера луѓето да се чувствуваат фрустрирано и лишено – тие се уморни, не можат да уживаат во активностите што ги релаксираат, да поминуваат квалитетно време со саканите, чувствуваат притисок да работат побрзо и повеќе за да обезбедат време за себе, за потоа да бидат уморни, што тие драгоцени моменти ги поминуваат лежејќи и одморајќи. Таквото чувство го зголемува стресот, емоционалната исцрпеност и ризикот од депресија и анксиозност.
Од друга страна, кога имате повеќе од пет часа на вашите раце, тоа го поткопува вашето чувство за цел во животот. Треба да се нагласи дека чувството за цел не подразбира платена работа, волонтерската работа или вршењето хоби често обезбедува поголемо задоволство од добрата плата.
Рамномерноста на задоволството од животот што ја покажаа испитаниците во една студија, со два до пет часа слободно време дневно, беше поврзана со начинот на кој тие си посветуваа време на себе. Убедувањето дека можете да го постигнете она што го сакате секој ден го дефинира задоволството од количината на слободното време. Сепак, перцепцијата на времето е субјективна и можеби вашето слободно време се троши во активности кои би можеле поефикасно да ги правите и да оставите повеќе простор за себе.