Хеланките станаа задолжително парче за топлите и студените сезони. Но, освен што е удобно и одговара со различни парчиња облека, ова парче има и свои маани, од кои најголемата е поврзана со бојата. Според модните експерти, ова се модели на хеланки кои не треба да ги носиме токму поради бојата.
1. Бели
Пред се, белите хулахопки се магнет за дамки и нечистотии. За разлика од ривалската црна, која визуелно ве стеснува, белата боја има сосема спротивен ефект и ќе ви „додаде“ неколку сантиметри на нозете.
Исто така, оваа боја ги оцртува најмалите детали на вашето тело и ги истакнува неправилностите, а при растегнување, материјалот често станува проѕирен, што не му ласка на вашиот стајлинг. Ако ви се допаѓа белата боја, побарајте хеланки украсени со дезен или нагласена текстура.
2. Светло сиви
И додека различните нијанси на темни тонови можат да се вклопат во секој стајлинг, светло сивите хулахопки воопшто не се додворуваат на вашата фигура. Овој материјал многу брзо се прилагодува на обликот на вашето тело, а исто така станува проѕирен и со набори ги нагласува интимните делови од телото кои не сакате да бидат во преден план.
Ова особено се однесува на деловите во близина на препоните и на задникот. Слично на тоа, на светло сива подлога што е чувствителна на нечистотија, влажните точки стануваат многу темни, што не изгледа добро ако се потите или седите на влажна клупа или стол. Ако сакате сива боја во посветла нијанса, најдете хеланки кои имитираат тексас или некои со светол дезен.
3. Хеланки во боја на кожа
Ако мислевте дека хеланките кои ја имитираат природната боја на кожата можат да изгледаат интересно и ефективно, се лажете. Имено, освен што ќе изгледате како да сте заборавиле да облечете панталони, таа боја воопшто не ѝ ласка на фигурата.
Исто така, не наликува на вашата природна боја и текстура на кожата, така што ефектот што го создава никогаш не изгледа убаво и природно. Единствената опција е ако се украсени со интересни, шарени дезени.