Модната куќа „Баленсијага“ лансираше колекција чевли инспирирани од фетишот за нозе, неколку месеци по скандалот и контроверзната кампања.
Модната куќа со седиште во Париз, која ја сакаат холивудските ѕвезди, вклучително и Ким Кардашијан, се најде на удар на критики за модна кампања и оттогаш се здружи со добротворна организација за деца „за да дознае повеќе за тоа како можат да ги заштитат децата“.
Новите производи имаат три различни дизајни, од кои сите се акцентирани со калап со пет прсти. Чевлите од црна мека овча кожа, чинат и до 1.300 фунти по пар – речиси 1.500 евра.
„Фетиш“ балетанки се 675 фунти, чевлите се 795 фунти, а чизмите се 1.300 фунти.
И чевлите и чизмите доаѓаат со тенка и долга потпетица од осум сантиметри.
Чизмите со високи потпетици се со патент од страна, а балетанките имаат декоративен црн јазол на горниот дел.