Овој рецепт за проја не може да ве изневери, можете да го промените во посен, а сигурно ќе ви се допадне.
Речиси сите сакаме да јадеме домашна проја. Кога е мекa, ѝ нема рамна, а одлична е и со сирење, сланина, млад кромид или било кој солен додаток кој ќе ѝ го подобри вкусот.
Овој рецепт за проја можете да го модифицирате за да биде посна, па дури и тогаш ќе биде неодоливо вкусна. Оваа смеса истурете ја во плех и испечете ја или можете да ја печете во калапи за мафини.
Ако не јадете бело брашно, вкусна е и со мешавина од хељда и спелта, а млекото во рецептот можете да го замените со јогурт или вода, па дури и да ги комбинирате сите три.
Состојки:
3 јајца
чаша масло (или чаша стопена маст)
3 чаши млеко (или јогурт или вода)
3 чаши брашно (бело или интегрално)
3 чаши пченкарно брашно
една лажичка сол
една лажичка прашок за пециво
Подготовката не може да биде поедноставна.
Изматете ги сите состојки. Истурете во плех или калап за мафини, па печете 40 минути на 220 степени.
Одозгора посипете сусам по желба.