Сите знаеме дека кафето е одличен стимулатор и ве буди. Но, кофеинот, главната состојка на кафето, исто така многу често се користи во козметичките производи. Особено во гелови и серуми кои ги ставаме на многу чувствителниот и тенок дел од кожата под очите.
Кофеинот влијае на кожата на три начини. Тој е моќен антиоксиданс и одлично делува во борбата против слободните радикали, кои се една од најголемите причини за стареење на кожата. Кофеинот влијае и на циркулацијата на кожата, а исто така ја извлекува водата, па многу брзо добиваме чувство на затегнатост и свеж изглед на тој дел од лицето, пишува ХРТ.
Како да направите гел против темни кругови?
Додадете 5 грама згуснувач во 50 ml вода (приближно 4 полни лажици).
Мешајте го со рачен миксер додека не се формира еден вид гел. Во него додадете една лажица свежо мелено кафе. И првиот гел е подготвен.
Неговата предност е што брзо е готов, но ако го користиме премногу – може да ја исуши кожата.
Наместо вода – глицерин или гел од алое вера
За да го избегнете ова, наместо вода, подобро е да користите материјали кои ќе делуваат како навлажнувачи (глицерин или гел од алое вера или комбинација).
За подготовка се потребни 50 мл, како кај рецептот што се прави со вода.
Додадете згуснувач, измешајте и додадете една лажица кафе – и ќе добиете гел кој ќе ја хидрира кожата, но и ќе ја стимулира циркулацијата.
Многу брз рецепт – една лажица мед и една лажица кафе
Доколку ги немате овие состојки – постои многу брз рецепт за гел против темни кругови. Лажица мед и лажица кафе.
Го нанесувате гелот на обликувани парчиња ткаенина и ќе делува за половина час. После тоа, измијте го лицето и уживајте во моменталниот ефект на свежата и затегната кожа под очите.