Главни „виновници“ за формирањето на бигорот се минералите во водата, на прво место калциумот, потоа магнезиумот и други, но важен фактор може да бидат разните детергенти и сапуни.
За да спречите таложење бигор, преземете ги следните чекори.
Користете омекнувач на вода
Омекнувачите на вода се уреди кои го отстрануваат калциумот, магнезиумот и другите минерали од снабдувањето со вода и тоа е многу ефикасен начин за спречување на бигот. Благодарение на нив, водата не е толку „тврда“.
Користете филтер за вода
Вториот начин е филтер, а иако има најразлични видови, најпопуларни се оние за славината, односно приклучоците на славините кои лесно ги отстрануваат нечистотиите, опасните органски соединенија, бактериите, тешките метали, фенолите…
Исчистете го водоводот
Редовното чистење на водоводните цевки е еден од најдобрите начини за превентивно делување против појавата на бигор, а најдобро би било тоа да се прави што почесто. Во комбинација со омекнувач на вода, ова треба да ги реши сите ваши грижи.
Користете раствор од сода бикарбона
Сода бикарбона е природно соединение кое помага да се отстрани калциум карбонатот од цевките, а најдобро делува во комбинација со оцет. Помешајте една лажица сода бикарбона со 150 мл оцет и истурете го во цевката, па оставете да отстои околу 20 минути. Потоа истурете топла вода за да го исплакнете.