Салатата од зелка е одличен додаток на секој оброк, а може да се направи за 5 минути. Идеална е со месо, поради што се служи на прослави, а ви предлагаме да пробате малку поинаков рецепт за салата од зелка.
Состојки:
1 главица зелка
1 китка копар
2-3 млади кромидчиња
1/2 лимон
маслиново масло
сушено нане
лук во прав
2 супени лажици јогурт
Подготовка:
Исечкајте ја зелката и ставете ја во сад за салата. Потоа додадете го копарот и сечканиот млад кромид. Добро зачинете со сол и прелијте со маслиново масло, па сè убаво измешајте. Истурете го сокот од лимон, а потоа обилно посипете со сушено нане и лук во прав. Повторно добро измешајте, па додајте јогурт и сè убаво соединете. Послужете, а колку подолго стои салатата, толку е повкусна.