Сега кога почнува убавото време, сите жени сакаат што помалку да се шминкаат и да го имаат тој природен изглед. Бидејќи веѓите на некој начин се олицетворение на убавината, бидејќи навистина ги истакнуваат цртите на лицето, пожелно е во текот на летото да ви бидат што е можно подебели и силни!
Трајната шминка достигнала такво ниво што често не се ни забележува, но сепак е природен „изглед“. За жал, не сите можат да си дозволат такви третмани, или едноставно сметаат дека не се за нив, па доколку сакате до лето да имате дебели и силни веѓи и трепки, овој природен серум е идеален за вас!
За домашен серум за раст на трепките и веѓите ќе ви требаат:
– Околу 20 ml рицинусово масло – достапно во секоја аптека,
– Кора од еден лимон,
– Стерилен сад со капак во кој ќе го чувате серумот.
Подготовка на третманот:
– Земете еден свеж лимон и излупете доволно кора за една лажичка,
– Исецкајте ја кората на мали парчиња,
– Оставете ги парчињата кора од лимон да се исушат на воздух неколку часа.
– Исушената кора од лимон ставете ја во стерилен сад со капак во кој сте полиле 20 мл рицинусово масло.
– Оставете да отстои минимум 72 часа, а најмногу пет дена.
– Отстранете ја кората од лимон од растворот и започнете со употреба!
Апликација:
Навечер, по темелно отстранување на шминката, нанесете серум за раст на трепките. Не нанесувајте го со туфер на целиот капак! Не сакате да се будите наутро со подуени очни капаци, што често се случува кога ќе ги наполните со многу влага преку ноќ. Наместо тоа, нанесете го серумот за раст на трепките со хигиенско стапче за уши директно на коренот на трепките и влакната на веѓите.