Без оглед на тоа како се чувствувате за утринскиот оброк, тој може да го подобри вашето здравје и позитивно да влијае на контролата на тежината. Проблемот настанува кога избираме калориски „бомби“, односно храна полна со шеќер и масти кои имаат спротивен ефект од посакуваниот.
1. Ги избегнуваме протеините
Кремасто кафе и мафин се вообичаен избор ако првиот утрински оброк го јадеме во движење, надвор од домот. Тоа е фина комбинација за очите и желудникот на кој, за жал, му недостасуваат протеини. Истражувањата покажаа дека појадокот базиран на протеини го балансира нивото на шеќер во крвта и ги намалува ненадејните напади на глад. Обидете се да го започнете денот со две тврдо варени јајца и едно јаболко или јогурт со додадени семки од чиа.
2. Претеруваме со сок
Овошниот сок може да биде одличен извор на витамини и минерали, но не е алтернатива за јадење овошје. За споредба, еден просечен портокал има околу шеесет калории, додека една чаша сок од истото овошје има речиси двојно повеќе. Во исто време, треба да знаете и дека на сокот му недостасуваат диетални влакна, кои ги има во изобилство во природното овошје. Една нова студија објавена во списанието Appetite, исто така, покажа дека луѓето кои пијат многу сок имаат повисок крвен притисок од оние кои го прават тоа само повремено.
3. Јадеме погрешни масти
Познато е дека на телото му се потребни масти за нормално функционирање. Но, тоа не значи дека треба да претерате, особено ако се работи за заситени масни киселини како путер или сланина. Познатата њујоршка нутриционистка Бони Тауб-Дикс предлага правилна распределба на мастите, па за појадок препорачува комбинација од здрави масти, како грчки јогурт со малку сечкани ореви.
4. Додаваме вештачки засладувачи
Ако нешто има помалку калории, тоа не значи дека нема негативни последици за нашиот организам. Студијата во списанието Nature покажа дека вештачките засладувачи можат да ја нарушат рамнотежата на бактериите во желудникот, што резултира со зголемена потреба за фруктоза за да се чувствувате задоволни. Нутриционистот Брук Алперт од компанијата B Nutritious предлага да се пие кафе без никакви засладувачи, само со додавање на зачини како цимет, кои ќе го стимулираат метаболизмот.
5. Предолго чекаме за појадок
Ако првиот оброк во денот го изедеме само неколку часа по будењето, односно само кога нè потсетува кркорењето на желудникот, поголеми се шансите да се прејадеме со консумирање храна и да завршиме со некоја калориска бомба во нашите раце. Иако не постои официјален распоред за тоа кога треба да го јадеме првиот оброк во денот, треба да се погрижиме телото да не гладува.
6. Не обрнуваме внимание на големината на храната
Верувале или не, големината на храната влијае и на количината на храна што ја внесуваме во организмот. Студијата на Универзитетот Пен Стејт покажа дека луѓето јадат до осумдесет калории повеќе по оброк кога консумираат житарки со помала големина. Kористете кујнска вага и јадете храна колку што му треба на вашето тело.
7. Јадеме премногу оброци
Прескокнувањето на појадокот има негативен ефект врз телото, како и прекумерните оброци. Големите количини на храна ќе го оптоварат телото, ќе го забават метаболизмот и ќе ве успијат. Наместо тоа, треба да изберете оброци составени од балансиран сооднос на протеини и јаглехидрати кои ни даваат доволно енергија за да го започнеме работниот ден.