Ако сакате крофни, тогаш треба да знаете дека омиленото уживање можете да го направите со млеко од соја и вкусот ќе биде фантастичен.
Состојки:
250 гр брашно
150 мл млеко од соја
две лажици шеќер
две лажици масло
кесичка сув квасец
прстофат сол
масло за пржење
За филот:
200 гр маргарин
100 гр шеќер во прав
кесичка ванилин-шеќер
две лажици џем од кајсии
Подготовка:
Измешајте ги брашното, сувиот квасец, шеќерот и прстофат сол. Додадете го млекото од соја и маслото и измешајте за да добиете глатко тесто. Покријте и оставете на топло место половина час да нарасне.
Во меѓувреме подгответе го филот. Пенесто изматете го маргаринот со шеќерот во прав и ванилиниот-шеќер. Додадете го џемот од кајсии и измешајте.
Кога тестото ќе нарасне, издвоете 12 до 15 топчиња. Секоја крофна расукајте ја на два сантиметри со сукало и оставете ги да нараснат 20 минути. Пржете ги на врело масло да поруменат од двете страни. Извадете ги на хартиена крпа да се исцедат и изладат, па наполнете ги со филот.