Од бегалка до киднапирана невеста, ширум светот има многу чудни и прекрасни свадбени традиции, а ова се најинтересните
Традициите ширум светот се разликуваат. Свадбите се секогаш посебна пригода и идејата е да се шири љубов и среќа. Сепак, некои обичаи може да ве воодушеват, додека други може да ве шокираат, а некои може да изгледаат дури и навредливо. Ќе бидете шокирани што се случува на денот на свадбата ширум светот.
Германија
Германските младенци се препуштаат на традицијата позната како Баумштам Саген, каде се очекува двојката да пресече дрво на два дела. Бидејќи тоа е задача што треба да ја завршат две лица, „Baumstamm Sagen“ ја симболизира силата на парот додека тие се соочуваат со предизвиците во нивниот брак.
Романија
Во Романија постои традиција невестата да ја „киднапираат“ пријателите и семејството пред свадбата. За да ја врати невестата, младоженецот мора да плати откуп, тоа може да го направи со романтични гестови или со полнење чаша со шампањ.
Кенија
Ако присуствувате на свадба во Кенија, немојте да се шокирате ако видите како таткото на невестата плука по нејзиниот фустан за среќа. За народот Масаи во Кенија, плукањето по некого се смета за израз на почит, па плукањето по невеста симболично повикува на среќа.
Јапонија
Пиењето вино на свадба не звучи премногу бизарно, но во Јапонија, историската традиција на сан-сан-кудо бара семејството да пие синхронизирано. Невестата и младоженецот прво пијат по три голтки од три рамни шолји, по што нивните родители го прават истото, поврзувајќи ги семејствата.
Кореја
Невестата и младоженецот разменуваат дрвени гуски и патки на денот на нивната свадба како знак на својата посветеност. Историски гледано, младоженците, исто така, им даваат на своите нови свекрви диви гуски или патки. Моногамните животни ги претставуваат чистите намери и посветеност на младоженецот кон неговата невеста.
Венецуела
Во Венецуела традиција е младенците да се искрадат од свадбениот прием без да ги поздрават гостите. Интересно е што се верува дека оваа традиција носи среќа.
Перу
Традиционалната перуанска свадбена торта има панделки кои висат на страните. Секоја лента е прикачена на филот во внатрешноста на тортата, но една посебна лента е прикачена на реплика од венчалниот прстен. Ако ви сервираат парче торта со бурма, Перуанците веруваат дека вие сте следни на ред за венчавката.
Куба
Сосема е вообичаено невестата да танцува со своите гости без разлика на културата, но во Куба танцувањето има своја цена. Секој маж кој танцува со невестата мора да прикачи пари на нејзиниот фустан. Ова е направено со визија да му се помогне на парот да ги плати свадбата и медениот месец.