Позитивно влијае на крвниот притисок и функцијата на клеточниот ѕид и затоа може да го намали ризикот од развој на срцеви заболувања
Зголеменото ниво на ЛДЛ, или лошиот холестерол, може да доведе до формирање на згрутчување на крвта и до појава на срцев или мозочен удар. Добрата вест е дека нивото на холестерол може значително да се намали со корекција на исхраната. Лекарите тврдат дека не е неопходно да се откажете од сите вкусни намирници, токму напротив, тие препорачуваат секојдневно консумирање темно чоколадо.
Со покачени нивоа на лошиот холестерол, нутриционистите советуваат медитеранска исхрана и препорачуваат интегрални производи. Исто така, неопходно е во исхраната да се вклучат пилешко, мисиркино, риба, млечни производи со помала содржина на масти, белки од јајца, соја… Истражувањата покажуваат дека редовното консумирање темно чоколадо го намалува нивото на лошиот холестерол.
“Факт е дека таквото чоколадо содржи многу цврсти материи од какао, кои се карактеризираат со антиоксидантни својства. Покрај тоа, какаото содржи голема количина на флавоноиди кои се корисни за телото”, тврди д-р Дебора Ли и потсетува колку лошиот холестерол е штетен за здравјето на срцето и крвните садови.
Докторката посочува дека темното чоколадо позитивно влијае на крвниот притисок и функцијата на клеточниот ѕид и затоа може да го намали ризикот од срцеви заболувања. Оптималната количина на темно чоколадо е две коцки дневно.