Палачинките се брз оброк, а можете да ги подготвите на неколку начини
Можете да подготвите и солени палачинки од тиквички и компири и на тој начин да внесете нешто ново во вашата кујна.
Состојки:
1 тиквичка
2 компири
1 главица кромид
маст и сол
3 јајца
200 мл млеко
130 грама брашно
малку прашок за пециво
магдонос
Подготовка:
Тиквичките и компирите изрендајте ги, посолете ги и оставете ги на страна. Кромидот ситно исечкајте го, претходно пропржете го и оставете го да се излади.
Во поголем пластичен сад изматете ги јајцата, млекото, брашното, прашокот за пециво, магдоносот и ренданите тиквички и компирите, а потоа и кромидот. Сè убаво измешајте, па во тава со малку масло испржете ги палачинките.
Пријатно јадење!