Холивудската актерка Анџелина Џоли (48) привлекува внимание каде и да се појави, а тоа беше случај и при нејзината посета на главниот град на Италија.
Имено, поранешната сопруга на Бред Пит тајно била во Рим, а фотографите ја фатиле како излегува од хотелот во придружба на обезбедувањето.
За таа прилика се одлучи за црн фустан до листовите, со шлиц на левата страна што ја открива нејзината нога кога оди. Иако е многу топло во вечниот град, таа се одлучи за боја за која велат дека го „привлекува“ сонцето. Фустанот со овално деколте на грбот се претвора во две прерамки кои го откриваат горниот дел од грбот каде што се гледа нејзината тетоважа која не ја открила досега.
Покрај тоа, таа имаше темни очила кои ги криеа нејзините крупни очи, нејзината коса беше крената со неколку лабави прамени, исто како нејзината колешка Сандра Булок во Лос Анџелес. На нозете носеше балетанки во иста боја.
Кога фановите ја забележале, таа се насмевнала и им мавнала, заминувајќи во непознат правец.
Вистинска класична комбинација за „Госпоѓата Смит“.
