Потребно е:
115 гр путер
115 гр шеќер (може да користите и кафеав шеќер)
175 гр пченично брашно
3 јаболка, излупени и исечени на коцки
1/2 лажичка цимет
малку вода
Подготовка:
Во тенџере ставете јаболка, цимет и вода и варете на средна топлина околу 7 минути. Во сад измешајте ги путерот, брашното и шеќерот и мешајте со прстите додека не добиете текстура на песок. Во ред е ако останат мали грутки. Во огноотпорен сад или тава за печење прелијте ги сварените јаболка и малку течност во која се варени и врз нив посипете го крамблот (мешавината од брашно, шеќер и путер). Се пече во рерна на 180 степени околу 30 минути додека врвот на колачот не добие златно кафеава боја.