Направете вкусен ролат со банана и чоколаден крем и ќе имате одличен десерт за вашите гости.
Состојки:
За основата:
300 гр мелена плазма
150 гр нутела
150 гр путер
50 мл млеко
За фил:
250 мл слатка павлака
100 гр шеќер во прав
100 гр кокос
1,5 банана
За декорација:
200 гр Нутела
1 банана
50 гр млечна чоколада
малку нане
Подготовка:
Измешајте ги плазмата, нутелата и растопениот путер. Соединете, па додадете го млекото и повторно добро измешајте.
Префрлете ја смесата во развлечена проѕирна фолија и со сукало направете правоаголна форма. Изматете ја слатката павлака со просеан шеќер во прав, па додадете го кокосот и измешајте.
Прелијте ги бисквитите, па на подолгиот дел ставете ги бананите. Свиткајте и добро зацврстете со проѕирна фолија, па ставете во фрижидер половина час. Премачкајте со Нутела, па со вилушка направете дезен.
Потоа бананата исечкајте ја на прстени, потопете ја до половина во растопената млечна чоколада, па наредете ја врз ролатот. Украсете со нане.
Пријатно!