На овогодинешното финале на Вимблдон, за прв пат имавме можност да ги видиме малата принцеза Шарлот и нејзиниот брат принцот Џорџ, кои дојдоа да го гледаат мечот меѓу најдобрите светски тенисери, придружувани од нивните родители, принцезата Кејт Мидлтон и принцот Вилијам.
Принцезата Шарлот беше идентична на нејзината мајка, принцезата Кејт, додека носеше тренди наочари за сонце за да ги гледа Новак Ѓоковиќ и Карлос Алкараз како се борат на Централниот терен за титулата на Вимблдон.
Шарлот седела до својот брат принцот Џорџ додека со голема возбуда го следела натпреварот. Таа на моменти нервозно „ги гризела ноктите“, а таа и принцот Џорџ се чини дека поминале низ ролеркостер од емоции среде најнапорните моменти на играта.
Во меѓувреме, принцот Џорџ изгледаше и воодушевено и исцрпено додека ја гледаше акцијата на теренот – понекогаш со главата во рацете.
Не е јасно кого го поддржувале браќата и сестрите во финалето, иако фустанот на принцезата Шарлот од 169 фунти од шпанскиот бренд Фрики можеби ја навестуваше нејзината наклонетост кон Шпанецот Алкараз.
Како и да е, едно е сигурно, младата принцеза одлично се забавуваше.
Кејт покрај неа блескала во смарагден фустан на Роланд Муре, кој чинел 750 фунти.
Кога семејството пристигна во кралската ложа на централниот терен, тие беа пречекани со аплауз пред натпреварот.
Принцот Џорџ беше усогласен со неговиот татко во морнарско одело и совршено избрана вратоврска. Се чини дека децата навистина уживаа, а очигледно е дека не можеа да ги сокријат емоциите и токму затоа ги освоија срцата на многумина присутни, но и на други луѓе кои гледаа на малите екрани.
