Како треба да изгледа лимон диетата?
Лимон диетата е една од постарите диети за детоксикација и со нејзина помош можете да изгубите и до 14 килограми за две недели.
Лимон диетата е диета која вклучува конзумирање на големи количини лимонада во период од неколку денови или недели.
Оваа диета се нарекува и „Master Cleanse Diet“, бидејќи е познато дека помага во чистење на телото од токсини.
Основата на лимон диетата е консумирање мешавина од свеж сок од лимон, јаворов сируп, вода и мала количина кајенски пипер. Оваа смеса се пие преку ден, наместо оброци, со цел да се детоксицира организмот.
Диетата со лимон се следи две недели, односно 14 дена; секој ден пропишаната количина лимони измешајте ја во соодветна количина топла вода – една чаша содржи исцеден сок од еден лимон. Можете исто така да додадете јаворов сируп и пипер. Во тој случај, диетата се држи многу пократок временски период, најмногу пет дена.
По една недела диета доаѓа до „скок“: седмиот ден од диетата со лимон не се пие седум, туку три чаши вода со лимон!
За време на диетата, пијте ја оваа комбинација еден час пред секој оброк, но и во текот на целиот ден:
Ден 1: еден лимон и една чаша вода
Ден 2: два лимони и две чаши вода
Ден 3: три лимони и три чаши вода
Ден 4: четири лимони и четири чаши вода
Ден 5: пет лимони и пет чаши вода
Ден 6: шест лимони и шест чаши вода
Ден 7: три лимони и три чаши вода
Ден 8: шест лимони и шест чаши вода
Ден 9: пет лимони и пет чаши вода
Ден 10: четири лимони и четири чаши вода
Ден 11: три лимони и три чаши вода
Ден 12: два лимони и две чаши вода
Ден 13: еден лимон и една чаша вода
Ден 14: три лимони и три чаши вода.
За време на диетата се препорачува избегнување на газирани пијалоци, слатки, леб, пецива и тестенини. Се препорачува пиење топла вода со лимон наутро на празен стомак дури и кога не сте на оваа диета, како и консумирање мали порции храна – идеално 4 или 5 помали порции.
Диетата со лимон често се практикува како брзо решение за слабеење, но не се препорачува за долгорочно одржување на тежината и здравјето. Докажано е дека ваквите диети можат да бидат штетни за здравјето, бидејќи доведуваат до губење на мускулната маса, намалување на метаболизмот и недостаток на хранливи материи.