Кога се зборува за здравјето и убавината, кокосовото масло е едно од најкорисните природни средства. Тоа нуди бројни здравствени придобивки, се продава по ниска цена и е целосно природно. Кокосовото масло одамна се покажа како корисно во козметиката. Се додава во средствата за нега на телото, лицето и ноктите, но најголем ефект има на косата.
За да ја направите косата мека и сјајна, направете маска од мед и кокосово масло.
Во еден сад ставете 2 лажички ладно цедено масло од кокос и дваесетина секунди грејте го во микробранова печка. Потоа додадете 2 лажички мед и мешајте додека не добиете изедначена смеса. Вака направената маска, нанесете ја на влажна коса и оставете ја најмалку 40 минути, а потоа измијте ја со шампон.
Користете ја оваа маска еднаш неделно и ќе имате фантастични резултати.