Еве го најдобриот избор!
Секој има омилен утрински пијалок, некои го започнуваат денот со кафе или чај, а еве што мислат нутриционистите за тоа и кој напиток е најдобар за почеток на денот. Додека некои денот не можат да го замислат без кафе, други го започнуваат со смути, вода со лимон или нешто друго. Нутриционистите откриваат кои пијалоци се најдобри за почеток на денот.
Вода
Нутриционистите се согласуваат во едно – убедливо најдобар начин да го започнете денот е да испиете чаша вода. Дури и ако не сте жедни, треба да ја испиете таа чаша бидејќи на вашето тело му е потребна хидратација по цела ноќ.
Чај
Секако е добро да го започнете денот со шолја чај по ваш избор.
„Истражувањата покажаа дека консумирањето чај е добра превенција од дијабетес, па дури е добро и за контролирање на нивото на шеќер во крвта кај оние кои имаат дијабетес“, вели диететичарот Тоби Смитсон.
„Полифенолите во чајот влијаат на инсулинската активност, а дополнително ја зголемуваат чувствителноста на инсулин, помагаат во одржувањето на здравиот крвен притисок, го намалуваат ризикот од срцеви заболувања и дијабетес тип 2.
Кафе
Диететичарката Барбара Рас вели дека ако сакате да ги испразните цревата наутро пред да излезете од дома, добро е да се напиете кафе.
„Ако сакате нешто да ви помогне да имате редовна столица, мене ова ми помага: наутро прво пијам голема чаша вода, а потоа шолја кафе“, открива нутриционистката Аманда Франкени.
Од друга страна, експертите не препорачуваат да го започнете денот со спортски пијалоци или смути. А кога станува збор за топлата вода со лимон, за која толку многу се зборува, експертите велат дека немаат ништо против, иако сметаат дека во неа нема толку „магија“ како што се мисли.
“Можам да ја разберам идејата. Топлата вода релаксира, лимонот и дава убав вкус. Лично, ако веќе пијам топол пијалок, сакам да ги добивам антиоксидансите од него, па затоа препорачувам зелен чај со лимон наместо тоа.” вели нутриционистката Ејми Горин.
Она што тие воопшто не го препорачуваат е денот да го започнете со засладен напиток, полн со шеќери.
„Пијалокот со кој го започнувате денот го дава тонот за остатокот од денот. Последното нешто што сакате е да го започнете денот со засладен, преработен пијалок како сок или енергетски пијалок што ќе го преплави вашето тело со шеќери. Тоа можеби моментално ќе ви ја подигне енергијата, но таа наскоро ќе падне“, заклучува нутриционистката Карен Ансел.