Публиката ширум светот ќе има можност да го погледне документарниот филм „Thriller 40“, за познатиот албум на Мајкл Џексон, „Thriller“. Премиерно ќе биде прикажан на 2 декември на платформата „Paramount Plus“.
Четириесет години по објавувањето на „Трилер“ на Мајкл Џексон, најпродаваниот албум во светот на сите времиња, режисерот Нелсон Џорџ ги враќа фановите назад во времето за да го искусат создавањето на албумот кој соборува рекорди.
Со досега невидени снимки и ексклузивни интервјуа, „Thriller 40“ го бележи создавањето на глобалниот феномен кој не наликува на ништо пред или по него.
Албумот „Thriller“ го лансираше Мајкл Џексон во мега-ѕвезда и до ден-денес продолжува да влијае на сите аспекти на културата и забавата, вклучително и светот на музиката, танцот и модата. Ашер, Мери Џеј Блајџ, Марк Ронсон, Мисти Коупленд, Максвел и Џон Лендис ќе зборуваат во документарецот.
Погледнете го трејлерот: