Колумбиската пејачка Шакира ја покажа својата неверојатна флексибилност, споделувајќи неколку фотографии од нејзините подготовки за претстојниот настап на „Ем-ти-ви“ видео-музичките награди, кои ќе бидат доделени вечерва во Њу Џерси, САД.
Ова ќе биде важна вечер за пејачката, бидејќи ќе ѝ биде доделена престижната награда „Видео авангард на Мајкл Џексон“.
Со ова, Шакира ќе испише историја – таа е првата латино музичка ѕвезда која ќе ја добие оваа награда.
„Погодете од која песна е оваа поза? Едвај чекам да дојде вторник!“, напиша Шакира во описот на фотографиите.
Во оваа прилика, Шакира ќе изведе дел од нејзините најголеми хитови – од „Hips Don’t Lie“ до „She Wolf“.