За убава насмевка од пресудно значење е негата на забите, а австралиски стоматолози препорачуваат и посебен вид на исхрана за тоа.
На листата на продукти кои се здрави за забите, австралиски стоматолог доктор Стивен Лим препорачува путер, салама, сирење и кашкавал.
„Забите се живи органи и бараат адекватна исхрана за регенерација и одржување. Без адекватна исхрана, вашите заби ќе страдаат“, вели Лин.
Значи, ако внесувате доволно витамини и минерали, вашите заби природно ќе се регенираат и ќе бидат здрави и јаки.
Меѓутоа, ако неправилно се храните, киселината од вашата уста ќе го попречува тој природен процес и ќе доведе до брзо распаѓање на забите.
„Кариесот не се предизвикува само од шеќер, туку и од недостатокот на хранливи материи кои и се потребни на забите“, вели Лин.
Со што треба да се храниме?
Стоматолозите велат дека се најважни витамините растворливи во масти како А, Д, К2 и Е.
Овие се добри природни извори за секои од нив:
Витамин А – млеко, јајца, риба
Витамин Д – Масна риба, печурки, млечни производи
Витамин К2 – јајца, путер, салама
Витамин Е – Спанаќ, брокула