Иако во кината пристигнува веќе на 21 јули, речиси ништо не се знае за заплетот на филмот „Барби“ на Грета Гервиг. Сепак, веќе некое време се шпекулира дека Барби и Кен, кои ги играат Маргот Роби и Рајан Гослинг, нема да бидат единствените кукли кои ќе се појават во филмот, а гласините се покажаа точни. Имено, најновите постери ја открија целата актерска екипа на филмот, како и улогите кои ги играа, а меѓу нив се истакнаа неколку големи холивудски имиња. Ворнер Брос денеска објави и нов краток трејлер за филмот.
Meet our Barbies and Kens ✨#BarbieTheMovie pic.twitter.com/KO2pwszXNJ
— Barbie Movie (@barbiethemovie) April 4, 2023
Симу Лиу, Кингсли Бен-Адир, Нкути Гатва и Скот Еванс ќе играат различни „Кен“ кукли, додека во улогите на „Барбики“ ќе ги видиме Дуа Липа, Ема Меки, Александра Шип, Кејт Мекинон, Хари Неф и други. Тука се и оскаровката Хелен Мирен како наратор, Вил Ферел како извршен директор на Мател, Мајкл Сера како пријателотот на Кен, Алан и „вистинските жени“ Америка Фереира и Аријана Гринблат. На сите филмски „Барбики“ на плакатите им се дадени наслови (на пример, Дуа Липа е сирената, Иса Рае претседател и Никол Кофлан дипломат), додека сите Кен кукли се едноставно Кеновци.
And, meet the Humans. #BarbieTheMovie pic.twitter.com/jQ2clzqGKY
— Barbie Movie (@barbiethemovie) April 4, 2023
Иако се уште не се знае точно што ќе се случува во филмот, се шпекулира дека тој би можел да ги следи ликовите на Барби и Кен кои по грешка влегуваат во „реалниот свет“. Фотографиите од снимањето на кои Гослинг и Роби се облечени во розови ретро стајлинзи на плажата Венеција станаа вирални минатата година, а Маргот тогаш потврди дека снимале на неколку јавни локации во Лос Анџелес.
“Инаку, не можам да ви кажам колку бевме засрамени. Изгледаме како да се смееме и да се забавуваме, но умираме внатре. Ми изгледаше како најсрамниот момент во мојот живот”, му рекла Роби на Џими Фалон за фотографиите од сетот.