Секое раскинување (или разделба) е болно. Се збогувате со дел од вас, вашиот минат живот, сето она без кое не би можеле да замислите ниту еден ден. На некои луѓе им требаат неколку месеци или дури години за целосно да се опорават и да продолжат понатаму. Не е лесно…
Во такви моменти важно е да си дадете време, да си ја дозволите секоја емоција, да бидете тажни, па дури и лути, но и да научите повторно да се сакате себеси, бидејќи на крајот на краиштата, единствената личност со која останувате засекогаш сте вие.
Дури и кога мислите дека сте го преболеле бившиот, постои можност вашиот мозок и срце едноставно да не се согласуваат со вас. И тогаш имате чувство дека нешто ве држи прилично цврсто и ве спречува во намерата повторно да се заљубите, едноставно да му дадете уште една шанса. Можеби проблемот лежи во тоа што навистина не сте ја преболеле претходната врска, па доколку се пронајдете во продолжението на текстот, време е да работите на тоа.
Опседнати сте со победа по раскинувањето
Не треба да објавувате фотографии со некој нов само за да го направите вашиот поранешен љубоморен. Треба да бидете со нова личност само затоа што ве прави среќни, а не затоа што некој ќе ви биде „трофеј“ или инстант замена. Решението не е да се водите од одмаздата, туку да се посветите на она што навистина ве прави среќни.
Уште носи „багаж“
Можеби вашата поранешна врска ви создала проблеми со интимноста или напуштањето и сега сте под стрес во нова врска затоа што не сакате историјата да се повторува. Но, имајте на ум дека секој крај е почеток на нешто ново, а исто така нова врска е и нов почеток. Во ред е да носите одреден „багаж“ (мисли, спомени, стравови) со себе, но наместо да дозволите да ве оддалечи од новата личност, споделете ги вашите мисли и стравови со неа.
Ги споредувате врските
Без оглед на тоа што прави вашиот партнер, вие постојано го споредувате со бившиот. Можеби мислите дека подобро ви било со бившиот или можеби сте возбудени што подобро ви е со сегашниот партнер. Но, не споредувајте! Бидете со некој што го заслужувате, а не со некој што е само малку подобар од вашиот поранешен во некои работи.
Се надевате дека ќе се вратите на старо
Ако сè уште сте во блиско пријателство со бившиот и имате одредени чувства кон него, тогаш не можете да се чувствувате добро во нова врска. Подобро да останете сами извесно време додека не бидете сигурни дали постои шанса да се смирите со бившиот. Ако навистина сакате да ја преболите личноста и да продолжите понатаму, тогаш треба да пресечете и да изберете, што би значело прекинување на контактот со бившиот или привремено или за стално.
Се чувствувате несакано
Само затоа што врската со бившиот не траела, не значи дека така ќе заврши во иднина. Различни луѓе бараат различни работи во врските и можеби не сте биле вистинската личност за бившиот, но тоа не значи дека вашиот иден партнер нема да ве смета за идеални. Ако вашиот поранешен не знаел доволно за да ви даде љубов и внимание, тоа не значи дека не заслужувате љубов, туку значи дека сè уште не сте ја пронашле вистинската личност.