Здравите нокти треба да бидат розови, што значи дека се снабдени со крв и кислород, а промените во ноктите може да укажуваат на поголеми здравствени и нутритивни проблеми. Јасно бели нокти може да укажуваат на анемија, заболување на црниот дроб и проблеми со срцето.
Жолти нокти
Одеднаш на ноктите се појавија жолти и кафени дамки. Доколку сте пушач, овие дамки се појавуваат поради никотинот. Синдромот на жолти нокти значи и состојба кога тие се згуснуваат. Тие можат да бидат предизвикани од нарушување на лимфната дренажа, ревматоиден артритис, а може да бидат и симптом на малигни заболувања, имунодефициенција и проблеми со респираторниот тракт.
Кршливи нокти
Ноктите кои брзо пукаат и лесно се кршат откриваат проблеми со тироидната жлезда. Оваа жлезда го контролира метаболизмот, растот и енергијата, што значи дека на ноктите и косата се забележуваат и најмали неправилности во работата.
Сини нокти
Модрите нокти се резултат на лошото снабдување со кислород, што значи дека укажуваат на проблеми со респираторниот тракт. Тие можат да бидат знак за емфизем, но и за проблеми со срцето.
Темни линии и вдлабнатини на ноктите
Забележаните вдлабнатини може да бидат последица на псоријаза, како и на други автоимуни болести. Попречните релјефни линии на ноктите се нарекуваат Beau-ови линии, а настануваат поради неможноста за нормален раст на ноктите. Покрај тоа што линиите може да бидат предизвикани од Рејноовиот синдром, тие се појавуваат и кај луѓе кои неодамна доживеале срцев удар.
Ноктите треба да бидат малку испакнати, но ако се шупливи како лажица, тоа може да укажува на недостаток на железо. Ако дел од ноктот е вовлечен, а дел е испакнат, таквата форма може да биде резултат на проблеми со белите дробови и бронхиите.
Свиткани нокти
Заоблените нокти свиткани надолу укажуваат на проблеми со белите дробови, варењето и црниот дроб, но и срцеви заболувања. Но, понекогаш таквиот облик на нокти е наследен и нема никаква врска со болести.