Пробајте!
Теписите често се почва за нечистотија и микроорганизми кои можат да предизвикаат алергии и многу други здравствени проблеми.
Многумина немаат пари да плаќаат за перење во сервис секој месец, па се одлучуваат за евтин, докажан метод – изнесување надвор, чистење со прашок и четки и сушење на терасите неколку дена, секако, кој има услови за тоа.
Но, за среќа, домаќинките на кои им здодеало да клечат со четката во раце, смислиле одличен трик – чистење со сода бикарбона!
Најпрво исчистете го тепихот со правосмукалка, а потоа натопете памучна крпа во оцет и поминете преку целиот тепих. Земете уште една крпа, намокрете ја со вода, а потоа ставете сода бикарбона.
Избришете го целиот тепих со оваа крпа и оставете го да отстои околу половина час.
Содата ќе ги отстрани непријатните мириси и остатоците од прашина, а оцетот ќе направи вистинска дезинфекција. Сè што треба да направите е да го исчистите тепихот уште еднаш со правосмукалка за да ги соберете остатоците од содата и тој ќе блесне како штотуку да излегол од салонот!