Луѓето кои го одложуваат одењето во тоалет може да доживеат голема анксиозност, но тоа не е единствената последица од оваа навика.
Д-р Каран Рајан искрено зборуваше на „TikTok“ за тоа што се случува кога ќе го одложиме празнењето на дебелото црево.
-Колку повеќе го одложувате одењето во тоалет, толку повеќе течност се апсорбира во цревата од изметот во дебелото црево. Ова ја прави столицата и сува и тврда – објасни тој, додавајќи: Колку е потврда вашата столица, толку повеќе треба да се напрегате, што може да предизвика хемороиди, а тврда, остра столица може и да го раскине ткивото на анусот и да предизвика пукнатини. Болката што настанува може да го зголеми стравот од одење во тоалет, што ќе доведе до маѓепсан круг, вели тој.
Во делот за коментари, некој праша како да се справи со анксиозноста. Според експертите на „Healthline“, постојат голем број работи што можете да ги направите:
– Запомнете дека сите вршат нужда и дека тоа е основна потреба.
– Обидете се да замислите некој што го почитувате, како политичка личност или актер, да го прави истото.
– Носете мало шише со прочистувач на воздух или спреј за дезинфекција за да го користите кога ви треба јавен тоалет.
– Внатрешната страна на шолјата обложете ја со тоалетна хартија. Ова ќе помогне да се апсорбира дел од звукот.
– Дишете длабоко или направете кратка вежба за медитација ако почувствувате појава на симптоми на анксиозност.