Актерот Рами Малек (42) си најде нова љубов, пренесуваат британските таблоиди. По врската со партнерката од филмот “Bohemian Rhapsody”, Луси Бојнтон, оскаровецот Рами сега е со ѕвездата од серијата „The Crown“!
Новата девојка на Рами Малек е Ема Корин (27), која ја игра принцезата Дијана во серијата „The Crown“. Ема доби одлични критики за улогата на Дијана во хит серијата за британското кралско семејство.
Минатата година ја изненади јавноста со изјавата дека е небинарна, односно дека не се идентификува ниту како жена, ниту како маж.
Рами и Ема биле сликани на романтичен состанок во Кент, каде што пијат шампањ, јадат морска храна и се бакнуваат и покрај тоа што биле уловиени од папараците.
Рами беше со Луси Бојнтон од 2017 година, кога снимаа филм за животот на Фреди Меркјури и групата Queen. Во меѓувреме го поврзуваа со девојката на „Bond“ Леа Сејду, врската некако опстана, но летово стана јасно дека е готово.
Погледнете како изгледа Ема Корин во серијата „The Crown“!