Со неколку едноставни вежби, за кои треба да одвоите само 5 минути секој ден, вашиот подбрадок со текот на времето ќе исчезне и повторно ќе уживате во овалната и беспрекорна форма на вашето лице.
- Обидете се да го допрете носот со јазикот
Ова е многу едноставна вежба, која ќе ви помогне да го намалите подбрадокот. Доволно е да го извадите јазикот и да се обидете да го допрете врвот на носот со врвот на јазикот.
Оваа вежба ќе ви помогне да ги развиете мускулите под брадата. Ако ја изведувате оваа едноставна вежба неколку пати на ден неколку недели, наскоро ќе ги видите првите резултати.
- Заземете поза, како да се бакнувате со навистина висока личност
Оваа вежба бара од вас да заземете позиција, како да сакате да бакнете навистина висока личност. Напучете ги усните и кренете ја главата нагоре, за да почувствувате затегнување на мускулите на вратот.
Треба да останете во оваа положба околу 10 секунди, а потоа спуштете ја главата и опуштете ги усните. Повторувајте ја оваа вежба 5 до 7 пати на ден.
- Вдишете воздух, така што ќе ги надуете образите
Вдишете голема количина воздух и распоредете ги така што образите ќе изгледаат како да сте ги напумпале. Затегнете ги образите со дланките, без да го испуштате задржаниот воздух.
Останете во оваа позиција до 5 секунди. Повторете ја оваа вежба 5 до 6 пати и комбинирајте ја со другите вежби за успешно намалување на подбрадокот.