Водењето љубов не само што ги зближува партнерите, туку има и корисен ефект врз умот и телото и всушност треба да се прави што почесто.
Сепак, постојат луѓе за кои сексот со текот на времето престанува да биде забавен.
Губењето на интерес може да се поврзе со секојдневниот стрес, но и со промена на фокусот – наместо на мажот и нивната врска, жените се фокусирани на детето, објаснуваат авторите на студијата, истражувачи од Универзитетот во Саутемптон.
Тие спровеле истражување со 4.839 жени и 6.669 мажи на возраст од 16 до 74 години. Излегува дека сексот на жените им здосадува многу порано од мажите.
Некои жени губат интерес за водење љубов по само 12 месеци поминати со партнерот. Многумина од нив признале дека изгубиле интерес во првата година по раѓањето на детето, како и поради децата помлади од пет години.
Вообичаени причини за намалена сексуална желба и недостаток на емоционална блискост со партнерот се лошата комуникација и здравствените проблеми.
За некои жени причина било арогантното однесување на нивните партнери, но и новите тетоважи или пирсинг на телото. Во ова истражување, 34 отсто од жените признале дека немаат интерес за секс, додека 15 отсто од мажите биле во иста ситуација.
Мокрење пред сексуалниот однос
Да потсетиме, жените никогаш не треба да одат во тоалет за да уринираат пред интимните односи, тврди урологот Дејвид Кауфман.
Тој наведува дека идејата дека жените треба да уринираат пред секс, но и после тоа е толку вообичаена што се претворила во глобален мит во кој сите веруваат.
Сепак, посочува дека еден дел од митот е вистинит – оној според кој жените мора да уринираат после секс, бидејќи на тој начин се измиваат бактериите со кои дошле во контакт, а кои се честа причина за инфекции на уринарниот тракт.