Откриено е невообичаеното име на вториот син на Ријана и Ејсап Роки, еден месец откако пејачката се породи.
Тие го нарекоа својот син Рајот Роуз Маерс (Riot Rose Mayers), објави „Д Бласт“ (The Blast), пренесува „Дејли меил“.
Името можеби е во корелација со неодамнешната песна на Ејсап „Riot“ од почетокот на оваа година, во која соработуваше со Фарел Вилијамс.
Според изводот на родените, Риот е роден на 1 август 2023 година во болницата Седар Синаи во Лос Анџелес во 7:41 часот.
Двојката одлучи да ја задржи традицијата на именување, со уште едно име кое започнува со буквата „Р“, откако својот прв син, роден во мај 2022 го нарекоа РЗА Ателстон Маерс (RZA Athelston Mayers).
Ријана и Ејсап сѐ уште не споделиле фотографии од нивниот втор син. Претходно, првите фотографии од РЗА Ријана ги сподели седум месеци по неговото раѓање.