Рецепт кој мора да го пробате уште денес
Доколку внимавате на исхраната или сте интолерантни на глутен, ова е совршениот рецепт за вас. Вака подготвените палачинки не содржат млеко, брашно или шеќер, па затоа се одличен избор за секое време од денот. Потребни ви се само две состојки кои веројатно ги имате дома и малку време.
Состојки:
4 големи јајца
2 големи банани
Подготовка:
Изблендирајте ги јајцата и бананите додека не добиете хомогена смеса. По желба можете да додадете малку цимет, екстракт од ванила или морско оревче.
На претходно загреана и подмачкана тава, пржете ги палачинките додека средишниот дел не стане посув, а рабовите не поруменат. Одделете ги палачинките една од друга со салфетки за да не се залепат
Повторувајте додека не се потроши смесата.
Послужете со џем, крем, овошен јогурт, сечкано овошје.