Кога во туната ќе додадете крем сирење, лук и уште неколку состојки, а потоа сè ќе измешате, добивате намаз, кој е одличен избор за појадок.
Доколку не можете да го замислите појадокот без намаз, оваа паштета од туна е вистинскиот избор за вас.
СОСТОЈКИ:
150 гр туна
100 гр крем сирење
малку власец
чешне лук
сол, бибер
ПОДГОТОВКА:
Добро исцедете ја туната, ставете ја во блендер, па додајте крем сирење, власец и лук. Мешајте додека не се добие еднолична паштета. Додадете сол и бибер, измешајте уште една минута, па префрлете ja во стерилизирана тегла и чувајте во фрижидер.
Намазот можете да го користите за појадок, но и како сос за, на пример, некои тортиљи или стапчиња.
Пријатно јадење!