Луксузниот бренд „Шанел“ во 2014 година ја лансираше најскапата корпа во светот, односно ограничено издание кое првпат беше видено таа година на модната ревија есен/зима во февруари. Железната корпа е „облечена“ во препознатливиот твид на „Шанел“.
Била достапна во две големини, мала и голема, а по изглед била идентична со оние какви што се користат во продавниците, освен додатокот од твид. Цената на корпата се движела од 9.000 (8.324,55 евра) до 12.500 долари (11.561,88 евра), во зависност од големината.
Сега некој одлучи да ги продаде своите користени корпи „Шанел“, помалата за 22.572 евра, а поголемата XXL за 46.588 евра на веб-страницата Farfetch. Помалата можете да ја видите овде, а поголемата овде.
Изгледа дека во чантите „Шанел“, пардон за корпата, вреди да се инвестира бидејќи очигледно нивните цени само растат со текот на годините.