Пливачкото уво обично е пролазна појава, но во одредени ситуации може да ви направи проблем
Затоа е важно да знаете неколку трикови како да се ослободите од оваа инфекција и непречено да уживате во вашиот одмор.
Темната, топла и влажна средина на надворешниот ушен канал е идеално место за развој на бактерии и габи кои се наоѓаат во нечистата вода. Сигурно сте виделе некој на плажа како скока на едната нога во обид да се ослободи од водата од надворешниот ушен канал – тоа е пливачко уво.
Во повеќето случаи, водата излегува од ушниот канал, но понекогаш може да се развие инфекција која може да го оштети сетилото за слух. За среќа, инфекциите на ушите можат лесно да се спречат, а водата обично се заглавува зад акумулираната ушна маст или церумен.
Како да се реши проблемот со пливачко уво?
Повеќето луѓе кои се соочуваат со проблемот прибегнуваат кон мали трикови кои обично прават да се чувствуваат подобро. Наведнувањето на главата и скокањето на едната страна се стари и испробани рецепти. Совет е да легнете на едната страна и да ставите крпа под главата, за да може за неколку минути водата да истече од ушниот канал.
Нежно повлечете го увото
Уште еден едноставен начин да се ослободите од водата во увото е нежно да ја повлечете ушната школка надолу. На овој начин, рскавицата на ушниот канал се движи и го поттикнува исфрлањето на водата. Овој метод на влечење на увото често го користат лекарите при преглед на увото.
Испирање
Горенаведените методи обично се доволни за повторно добро да слушате. Меѓутоа, доколку тоа не се случи, експертите советуваат да ги исплакнете ушите со мешавина од алкохол и алкохолен или јаболков оцет во сооднос 50:50. Постапката се применува со помош на капалка или мал шприц. Имено, алкохолот го суши увото, а оцетот создава кисела средина која е неповолна за развој на бактерии.
Потребно е да нанесете три или четири капки од оваа смеса во увото, а потоа нежно истријте ја надворешната страна. По 30 секунди, навалете ја главата за да го ослободите ушниот канал од оваа содржина. Сепак, експертите советуваат дека овој метод не треба да се користи доколку имате инфекција на надворешното уво, перфориран тапан или претходна сериозна болест на увото.
Фен
Со пливачкото уво, фенот за коса исто така може да биде корисен. Погрижете се фенот да биде на понежна температура и да го поставите на еден метар подалеку од ушната школка. Поместете го фенот и нежно влечете ги ушите надолу.
Хидроген
Исталожениот церумен е добра подлога за создавање пливачко уво. Хидроген, водород пероксид од 3 проценти е добро средство за чистење на наслаги од церумен. Имено, тој едноставно го раствора церуменот и го олеснува исфрлањето на течноста од увото.
Што никогаш не треба да правите?
Никогаш не го чепкајте увото и не користете медицински недокажани методи. Лекарите тоа посебно го нагласуваат, бидејќи постои можност на овој начин во увото да навлезат дополнителни бактерии, таа вода да навлезе уште подлабоко во ушниот канал што резултира со повреди и дополнителни инфекции.
Вода во средното уво
Во случај да не помогне ниту еден совет, а водата остане во увото неколку дена, побарајте стручна помош. Течноста лесно може да се прелие од надворешното кон средното уво.
Чувство на полност, запушување на ушите, губење на слухот, можни звуци на крцкање се некои од симптомите кои укажуваат дека водата стигнала до средното уво. Експертите нагласуваат дека треба да избегнувате сами да се дијагностицирате и дека во вакви ситуации треба да се консултирате со специјалист.