Бредли Купер влезе во режисерските редови, а неговото ново дело се вика „Маестро“. Во овој филм актерот ја толкува и главната улога, ликот на познатиот музичар Леонард Бернштајн.
„Маестро“ е висока и бестрашна љубовна приказна која ја прикажува доживотната врска помеѓу културната икона Леонард Бернштајн и Фелисија Монталегре Кон Бернштајн. Љубовно писмо до животот и уметноста, „Маестро“ е, во својата суштина, емотивно епско прикажување на семејството и љубовта, според описот на филмот, чијашто премиера ќе биде прикажана на Нетфликс на 20 декември, а во кината кон крајот на ноември.
За Леонард Бернштајн
Тој беше американски композитор, диригент, автор, професор по музика и пијанист. Тој е меѓу првите диригенти родени и образовани во САД што добиле светско признание. Според музичкиот критичар Донал Хенен, тој бил „еден од најталентираните и најуспешните музичари во американската историја“.
Неговата слава произлегува од неговиот долг мандат како музички директор на Њујоршката филхармонија, од диригирањето концерти со повеќето водечки светски оркестри и од неговата музика за West Side Story, Peter Pan, Candide, Wonderful Town, On the Town, On the Waterfront, Mass и многу други други композиции кои вклучуваат три симфонии и многу камерни и соло дела.
Бернштајн беше првиот диригент кој одржа серија телевизиски предавања за класична музика, почнувајќи од 1954 година и продолжија до неговата смрт. Беше вешт пијанист, често диригираше пијано концерти од клавијатура. Тој исто така беше критична фигура во современото оживување на музиката на Густав Малер, композиторот за кој имаше најстраствен интерес.
Како композитор, пишувал во многу стилови, вклучувајќи симфониска и оркестарска музика, балет, филмска и сценска музика, хорски дела, опера, камерна музика и пијано. Многу од неговите дела редовно се изведуваат ширум светот, иако ниту едно не се споредува со огромната популарност и критички успех на „West Side Story“, според неговата страница на Википедија.
Погледнете го трејлерот: