Моментот кога ќе се свршите е, во повеќето случаи, моментот кога се согласувате да го поминете остатокот од животот со саканата личност.
Она што доаѓа по свршувачката е (во повеќето случаи) планирање на свадбата, што значи дека пред вас е период кој може да биде многу стресен.
За се што доаѓа да не почне да ве гуши, експертите за планирање издвоија неколку чекори кои е добро да ги преземете многу брзо по свршувачката за да избегнете што поголем стрес.
1. Уживајте во моментот
Првата и најважна работа е да уживате во овој голем настан пред да почнете да планирате. Можете да го направите тоа сами или да прославите со семејството и пријателите. Ова е момент кој ќе го паметите до крајот на животот.
Одолејте на нагонот веднаш да започнете со планирање и да уживате во нов чекор во вашата врска. Одвојте време само за вашиот партнер и за вас.
2. Раширете го зборот
Откако ќе уживате во среќен момент со вашиот партнер и со најблиските луѓе, време е да ја пренесете веста на сите што ви се важни. Ова е голем момент во вашиот живот кој сигурно ќе им го разубави денот на сите ваши драги луѓе.
3. Разговарајте со вашиот партнер за вашите визии за свадбата
Сега кога уживавте во фактот дека сте свршени и прославувате со вашите најблиски, можете да почнете да зборувате за венчавката. За почеток, можете да ги споделите идеите што ги имате едни со други. Разговарајте за буџетот, бројот на гости и сите други првични преференции што ќе ви паднат на ум.
Тешко дека ќе се договорите за секој детал, но затоа се водат разговори и преговори, благодарение на кои ќе постигнете компромис. Најважните работи за кои треба да се договорите на почетокот, покрај буџетот и бројот на гости, е местото на одржување.
4. Договорете се за датум
Се разбира, нема да можете да одредите точен датум бидејќи тоа ќе зависи од достапните сали, бендови, фотографи и сите други важни работи за вас, но на почетокот добро е да одлучите дали сакате пролет, лето, есенска или зимска свадба.
5. Најдете ја локацијата
Кога ќе го одредите месецот во кој сакате да го изговорите судбоносното да, почнете да барате локација. Почнете рано за да го најдете местото кое најдобро одговара на вашата визија за големиот ден.
6. Останете организирани
Откако ќе го дознаете датумот и локацијата, секако дека не мора да ги договарате сите останати работи во ист ден, но не се опуштајте целосно и правете се во последен момент, бидејќи на тој начин сигурно нема да го избегнете стресот. Полека распоредете ги сите останати работи за да бидете што поопуштени пред самата венчавка.
7. Не заборавајте да се грижите за себе
Помеѓу планирањето и договарањето, најдете време за себе. Опуштете се, почестете се со капење или масажа… Без оглед на вашиот омилен метод на грижа за себе, применувајте го одвреме-навреме за да го направите планирањето на свадбата што е можно помалку стресно.