Откако пред седум години почна да ги купува правата за прикажување на јужнокорејски серии, Нетфликс сега прикажува речиси 300 од нив. Со растот на популарноста на корејската музика и таканаречените k-dramas, ако сакате да почнете и вие да гледате, ви ги предлагаме овие осум серии на Нетфликс.
Bloodhounds
Оваа акциона драма следи двајца млади боксери кои од противници во рингот се претвораат во пријатели и низ сплет на околности завршуваат во светот на приватните позајмици и лихвари. Ова е приказна за вистинско пријателство и необичното партнерство на боксер и добронамерен лихвар во борбата против организираниот синџир на криминалци кои насилно откупуваат туѓи бизниси. Драмата дојде на Нетфликс во 2023 година и се состои од само осум епизоди кои во просек траат по еден час.
D.P.
За време на неговата задолжителна воена служба, Џун Хо станува член на единицата која ги лови дезертерите и ја открива болната реалност низ која поминуваат војниците за време на воената обука. Серијата дојде на Нетфликс во 2021 година, а втората сезона беше објавена оваа година. Драмата ги обработува темите за злоупотреба во армијата, корупцијата, дискриминацијата на ЛГБТК+ заедницата и испитува до кој степен армијата како организација е одговорна за злосторствата извршени во службата.
Extraordinary Attorney Woo
Брилијантниот адвокат Ву Јанг-ву започнува да работи во врвна адвокатска канцеларија и се справува со предизвиците во и надвор од судницата. Јанг-ву е првата жена адвокатка со Аспергеров синдром и може да се пофали со висок коефициент на интелигенција, импресивна меморија и креативен процес на размислување.
Hometown Cha-Cha-Cha
Романтичната комедија следи стоматолог која се сели од големиот град Сеул во идиличниот крајбрежен град Гонгџин, каде што ја отвора својата канцеларија и го запознава селскиот мајстор. Серијата ќе ве насмее, расплаче, но секако ќе ве забавува. Во однос на форматот, таа е малку подолга од другите серии на Нетфликс, составена од 16 епизоди кои траат во просек по 75 минути.
My Name
По убиството на нејзиниот татко и протерувањето од средно училиште, една жена желна за одмазда се здружува со моќен криминалец и се придружува на полицијата под негово водство за да го пронајде убиецот на нејзиниот татко. Акциската серија е полна со интриги и неочекувани заплети, а крајот или ќе го предвидите или ќе ве налути. Со само осум епизоди, серијата дојде на Нетфликс во 2021 година.
Crash Landing on You
Несреќа со параглајдер фрла јужнокорејска наследничка во Северна Кореја и во животот на воен офицер, кој решава да ѝ помогне да се сокрие. Во 16-те епизоди од оваа серија ве очекуваат забранета романса, неочекувани пријателства, љубов, борба и тага.
Thirty-Nine
Потпирајќи се еден на друг во добри и лоши моменти, тројца најдобри пријатели поминуваат низ се што им фрлил животот заедно – љубов, болест и загуба, се на прагот од 40-тите години. Оваа горчливо-слатка серија се состои од 12 епизоди.
Descendants of the Sun
Капетан во специјалните сили на јужнокорејската армија и водач на тимот Алфа, Си-Џин се среќава со талентираниот хирург Мојон надвор од должност во болницата кој го освојува неговото срце, но природата на неговата работа предизвикува раздор меѓу нив и често ги става во опасност. Серијата беше објавена во Кореја во 2016 година, кога го привлече вниманието на меѓународните фанови и беше најгледаната корејска серија речиси осум месеци.