Нема ништо полошо од тоа кога кожата не чеша и пече по изложување на силни сончеви зраци
Кога сме долго изложени на сонце, по сончањето посегнуваме по лосиони и креми кои би ја хидрирале и негувале нашата кожа.
Доколку немате некој од овие производи со вас, најдобро е да направите природен лосион за после сончање дома.
Состојки:
– половина шолја кокосово масло
– 1 лажица пчелин восок
– лажица путер од какао
– 1 лажица маслиново масло
– 1 шолја алое вера гел
– 10 капки етерично масло од пеперминт
Подготовка:
На пареа растопете ги кокосовото масло, пчелиниот восок, какао путерот и маслиновото масло. Откако сè ќе се соедини, тргнете од оган и оставете да се излади.
Смесата малку ќе се стврдне, но нема да биде цврста. Оставете неколку часа, а можете да ја ставите во фрижидер доколку сакате да го забрзате процесот, пишува „Ouroilyhouse.com“.
Потоа се додава гелот од алое вера на собна температура и се мати со миксер, па се додава етеричното масло и се продолжува со мешање додека маслото и восокот не се соединат. Готовата смеса чувајте ја во херметички затворен сад.
Ако чувствувате дека вашата кожа е сува, испукана или изгорена од сонце, втријте мала количина во областа. Оставете добро да се впие, а можете да го користите и за смирување на кожата.