На модната недела во Милано, Дакота облече суптилна комбинација, но и откри многу
Вчера во Милано се одржа ревијата на престижниот бренд Гучи, а меѓу гостите беше и нивната амбасадорка Дакота Џонсон.
Актерката се одлучи за сведена комбинација составена од мини здолниште во комбинација со проѕирна маичка. Изгледот беше завршен со ефектен блејзер, чанта и чизми, а секако, сите детали го имаа печатот на оваа модна куќа.
Кај Дакота забележавме и мала промена. Имено, таа ја променила бојата на косата од светло кафена во темна, па така уште повеќе ја нагласила бојата на очите.