Во потрага по совршен изглед често жените својата уникатност ја прекриваат со дебел слој пудра. Постојаното користење шминки може да наштети на кожата, но тоа не е сè.
Истражување на компанијата Kanebo Cosmetics во соработка со научници откри дека во моментите пред жената да нанесе шминка се чувствува како да ќе стави лице на друга личност, а кога лицето ѝ е нашминкано се чувствува како тоа ново лице да е нејзиното сопствено.
Што се случува кога ќе престанете со нанесување шминка?
- Поздрава и поубава кожа на лицето
Некои производи за шминкање содржат состојки поради кои вашата кожа може да стане сува и да се лупи.
- Ќе изгледате помладолико
Ако прекинете со шминкање ќе изгледате помладолико, а понекогаш ќе се чувствувате како тинејџерка. Некои студии сугерираат дека шминката ги прави жените на средни години помлади, додека помладите изгледаат повозрасно.
- Ќе изгледате природно
Кога надвор е потопло или едноставно сте премногу активни во текот на денот вообичаено е повеќе да се потите, па ако вашето лице во целост е прекриено со шминка ќе биде потешко да се задржи на лицето. Полесно ќе ви биде ако воопшто не се шминкате, ќе делувате поприродно.
- Ќе ја зголемите самодовербата
Психолозите веруваат дека шминката всушност не е магична формула за зголемување на нашата самодоверба. Всушност, жените не се чувствуваат подобро поради шминката туку затоа што мислиме дека во очите на другите сме кул. Иако црвениот кармин може да придонесе за нашата самодоверба, тоа не е на долгорочен план.