Важно е да зборувате за вашите чувства
Познато е дека периодот по раскинувањето и самото закрепнување е тежок за многу луѓе, па може да потрае и до неколку години. Според една статистика, жените почесто ги раскинуваат врските, но тие се оние кои подолго се опоравуваат по раскинувањето.
Љиљана Малданер, психолог, објасни колку навистина е потребно за да се преболи раскинувањето. На почетокот таа спомна дека времето на тагување зависи од тоа колку навистина уживаме во тоа страдање.
„Секоја тага е тука за да не потсети на некои загуби и што можеме да имаме или немаме. Ако зборуваме за емотивни раскинувања и колку е важно да тагуваме за секое раскинување, тогаш тоа може да биде од 40 дена до шест месеци. После тоа се јавуваат знаци за поквалитетен и подобар живот“, истакна таа и откри неколку важни чекори по раскинувањето низ кои сите мора да поминат:
Зборувајте за тоа
„Луѓето се чувствуваат многу полесно кога разговараат со стручно лице кое е тука да ве сослуша и води. Во одреден момент им станувате здодевни на вашите пријатели ако постојано зборувате за тоа“, вели таа.
Елиминирајте ги предизвикувачите
Вториот чекор што секој треба да го направи по раскинувањето е да ги елиминира предизвикувачите, кои обично се спомени кои ве потсетуваат на вашиот поранешен. Тоа може да бидат слики низ станот или некои слични ситници.
Преименувајте ги предизвикувачите
Исто така, според психолозите, не треба да се откажувате од работите што сте ги сакале и правеле заедно, со сега веќе бившиот партнер, туку да сфатите дека се работи само за убави спомени и да продолжите да правите работи што ве исполнуваат.
За крај, психологот Љиљана Малданер истакна дека жените најчесто оставаат во импулс, додека мажите повеќе и однапред размислуваат за тоа.