Кога температурата на воздухот е ниска, нормално е рацете да ни се ладни. Меѓутоа, ако рацете ни се постојано замрзнати и не можеме да ги загрееме, тоа е знак дека телото е во проблематична состојба, како што се проблеми со циркулацијата и други, бројни болести.
Промената на бојата на кожата на рацете и чувството на пецкање се сигнали кои укажуваат дека треба што поскоро да се обратите на лекар.
– Може да има многу причини. Лекарите препорачуваат пред сè да се откажете од лошите навики, како што е пушењето. Почнете да спортувате и следете ги препораките на лекарот. Редовно следете го крвниот притисок и нивото на холестерол – советуваат експертите.
Ова се најчестите здравствени проблеми на кои укажуваат ладни раце:
Анемија
Ако се чувствувате слаби, уморни, имате главоболка, а рацете ви се хронично ладни, може да имате недостаток на железо во крвта.
Тироидната жлезда
Хипотироидизмот или бавното функционирање на тироидната жлезда доведува до забавување на метаболизмот, што резултира со студени екстремитети или чувство на студенило.
Дијабетес
Трнење во рацете и нозете и студенило може да бидат првите знаци на дијабетес. Дијабетесот остава последици на крвотокот, но и на нервниот систем и затоа е придружен со овие појави.
Стрес
Кога сме под стрес, адреналинот кој се произведува во надбубрежните жлезди скока, ги стеснува крвните садови, па циркулацијата е послаба, а рацете и стапалата се постудени.
Лупус
Друга автоимуна болест може да биде виновник за студените раце, а тоа е системскиот лупус еритематозус, кој предизвикува воспаление на зглобовите, тетивите и другите ткива и органи.