Познатата пејачка Ријана беше ѕвезда на вечерта кога се појави на Оскарите во срцето на Холивуд, во театарот Долби.
Музичката ѕвезда, која на својот настап на Супербоул откри дека е бремена по вторпат, ги засени сите во драматичен црн стајлинг.
Црниот фустан со долги ракави го истакна нејзиниот труднички стомак, а се состои од комбинација од тантела и кожни парчиња.
Славната Рири го допирала својот стомак додека им позирала на фотографите на тепихот во боја на шампањ, кој за првпат оваа година беше во друга боја освен црвена.
Ниту еден детаљ на пејачката не останал незабележан, па така, својот изглед го надополнила со црвен кармин, косата ја собрала во висока растурена пунџа, а од накит носела висечки обетки.
Стајлингот не беше единствениот белег на вечерта – Ријана на сцената го изведе својот сингл „Lift me up“ од филмот „Black Panther“, кој ѝ ја донесе првата номинација за Оскар.